غاشیہ
شیخ هارون اسماعیل · Twi
1.
Asεm kεseε a (nehuu) boro (nipa) soͻ no ho asεm no abeduru wo hͻ
2.
Saa Da no, ebinom ani bewu
3.
Adwumaden, ͻberεhunu
4.
Wͻ’bεkͻ Ogya tanaa a, ano yε den paa mu
5.
Yεbεma wͻn anom nsuo wͻ Nsuohyeε abura mu
6.
Wͻ’nnya aduane nni, na mmom gyesε (nkasεε dua nyononyono bi a yεfrε no) ‘Doariin’ (na wͻ’bεweε)
7.
Ɛnnyε wͻn honam yie, na εmmee wͻn nso
8.
Saa Da no ebinom nso anim bεyε frͻmfrͻm fεfεεfε
9.
Wͻn ani bεgye wͻn mmͻdemmͻ ho
10.
Wͻ Animuonyam Aheman no mu
11.
Wͻ’nnte nsεm hunu biara wͻ hͻ
12.
Asutire a εretene bi wͻ mu
13.
Animuonyam ahennwa bi a yama soͻ nso wͻ mu
14.
Ne nhwehwε nkuruwaa a, esisi hͻ
15.
Ne mpikyi (anaasε atԑ anaa Kushin) a, yato no santen
16.
Ɛne kapεt papa a, εsesε hͻ
17.
Enti wͻ’nhunuu sεdeε yasi abͻ Yoma
18.
Ɛne ͻsoro sεdeε yasi apagya no
19.
Ɛne mmepͻ, sεdeε yasi de atintim hͻ pintinn
20.
Ɛne asaase sεdeε yasi aterε mu
21.
Enti tu (wͻn) fo, efirisε woyε obi a wotu (amanfoͻ) foͻ
22.
Wonyε obi a wohyε wͻn so
23.
Na mmom obi a, ͻbεdane n’akyi ama na w’apo (nokorε) no
24.
Nyankopͻn de asotwee kεseε no bεtwe n’aso
25.
Nokorε sε Yεn hͻ na wͻ’bεsan aba
26.
Nokorε bio nso sε wͻn akontabuo da Yεn so