اعلی
شیخ هارون اسماعیل · Twi
1.
Bͻ wo Wura Nyankopͻn Kokuroko no abodin
2.
(Wo Wura) no a Ɔbͻͻ adeε, totoo biribiara pεpεεpε
3.
Na Ɔyε nhyehyεε san kyerε (nipa) kwan
4.
Na Ɔma nwira mono fifire
5.
Na Ɔma no hoa, na edwan
6.
(Nkͻmhyεni), Yε’bεkenkan (Qur’aan no) akyerε wo, na wowerε mmfi
7.
Gyesε deԑ Nyankopͻn pε. Nokorε sε, Ɔno na Onim deε εda adie ne deε asuma
8.
Na Yε’bεyε no mmrε ama wo ama no ayε mmrε
9.
Enti tu (wͻn) fo, efrisε mfasoͻ wͻ afutuo no so
10.
Obi a osuro Nyame no debetu neho fo
11.
Na otibͻneni no deε ͻbεtwe neho afri ho
12.
Ɔno na ͻbεkͻ egya kεseε no mu no
13.
Onnwu wͻ mu, na onnya nkwa nso
14.
Nokorε sε, obi a obedi neho nni anaasε ͻbεyε kronkron no adi nkonim
15.
Na Ͻbͻ ne Wura Nyankopͻn abodin, yԑ Sala (anaa ͻfrε Nyame)
16.
Nanso mopε saa wiase asetena yi
17.
Aberε nso a Daakye deε no na εyε, εno nso na εwͻ hͻ daa
18.
Nokorε sε, saa (afutuo) yi wͻ tetefoͻ no Nsεmpa no mu
19.
Abraham ne Mose Nsεmpa Nwoma no