گورو علیم سارومانتانگ · Maranao

1.Sabnar a miyan´g o Allah so katharo o (babay a) pphamawalng ka niyan makapantag ko karoma niyan, go gii phanon ko Allah. Na so Allah na pkhan´g Iyan so gii niyo kazinmbaga: Mataan! a so Allah na Pphakan´g, a Pphakaylay
22.Daa khatoon ka a pagtaw a paparatiyayaan iran so Allah ago so alongan a mawri a ba iran pkhababayai so taw a siyorang iyan so Allah ago so sogo Iyan, apiya pn siran na manga loks siran, odi na manga wata iran, odi na manga pagari ran, odi na manga tonganay ran. Siran man na inisorat Iyan ko manga poso iran so paratiyaya, go inibagr Iyan kiran so limo a phoon Rkaniyan; go phakasoldn Iyan siran ko manga sorga a pphamangondas ko kababaan iyan so manga lawasayg, makakakal siran on. Miyasoat kiran so Allah, go miyasoat siran Rkaniyan. Siran man i tampil ko Allah; ba di mataan! a so tampil ko Allah; na siran i phamakadaag