الواقعة
غالي آبابور آباغونا · Afaan Oromoo
١.
Yeroo argamtuun (Qiyaamaan) argamte
٢.
Argama isheetiif kijibni hin jirtu
٣.
Gadi qabduu, ol fuutuudha
٤.
Yeroo dachiin raafama cimaa raafamte
٥.
(Yeroo) gaarreenis facaafamiinsa facaafamte
٦.
Dhukkee facaafamtuus taate
٧.
(Yeroo) Isinis garee sadi taatan
٨.
(Gareen tokko) warra mirgaati; warri mirgaa akkam (milkaa’oo dha)
٩.
(Gareen lammaffaan) warra bitaati; warri bitaa akkam (hoonga’oo dha)
١٠.
(Gareen sadaffaa) Isaan gara toltuutti dursitoota dursoodha
١١.
Isaan (Rabbitti) dhiheeffamoota
١٢.
Jannata qananii keessatti ta’u
١٣.
Warra duraa irraa baay’eedha
١٤.
Warra boodaa irraa immoo xiqqoodha
١٥.
Sireewwan dhawamte irratti ta’u
١٦.
Fuulaan walitti garagalanii ishee irratti hirkatu
١٧.
Ijoollee (ijoollummaan) yeroo hunda jiraatantu isaan irra naanna’a
١٨.
Kubbaayyaa, quluufi geeba (xoofoo) farsoo irraa ta’een
١٩.
Isii irraa hin bowwaafatan; hin machaa’anis
٢٠.
Fuduraalee irraa waan isaan filataniin (irra naanna’u)
٢١.
Foon allaattii irraas waan isaan fedhaniin
٢٢.
Dubra adaadii ija babal’ootu (isiniif jira)
٢٣.
Akka faaya eegamaa kan fafakkaatan
٢٤.
Mindaa waan hojjataa turaniif jecha (kana isaaniif goone)
٢٥.
Isii (jannata) keessatti wacaafi wal arrabsuus hin dhaga’an
٢٦.
“Nagayaa nagayaa waliin jechuu malee” (hin dhaga’an)
٢٧.
Warri mirgaa; warra mirgaa waa’een isaanii akkam tola
٢٨.
(Isaan) mukkeen qurquraa kan qoree hin qabne keessa jiraatu
٢٩.
Muuza firiidhaan guutame (keessa jiraatu)
٣٠.
Gaaddisa diriirfamaa (keessa)
٣١.
Bishaan dhangala’u (keessa)
٣٢.
Fuduraalee baay’ee (keessa)
٣٣.
Kan maddi isaanii hin cinneefi kan irraa hin dhorgamne (keessa)
٣٤.
Firaasholee ol fuudhamtuu (keessa jiraatu)
٣٥.
Dhugumatti, Nuti (dubartoota jannataa) uuminsa isaan uumne
٣٦.
Dubroota isaan goone
٣٧.
Jaallattoota (abbaa manaa), kan hiriyoota ta’an (isaan goone)
٣٨.
Warra mirgaatiif (qophaa’an)
٣٩.
Hedduun (isaanii) warra duraa irraayi
٤٠.
Warra boodaa irraahis baay’eedha
٤١.
Warri bitaa; warri bitaa akkam (fokkatu)
٤٢.
Ibidda laalessaafi bishaan danfaa keessa jiraatu
٤٣.
Gaaddisa aara gurraacha irraa ta’e keessa
٤٤.
(Gaaddiisa) qabbanaa’aa hin ta’iniifi gaariis hin ta’in
٤٥.
Dhugumatti, isaan sana dura qanansiifamoo turan
٤٦.
Dilii guddaa itti fufu turan
٤٧.
“Sila yeroo duunee biyyeefi lafee taane, dhugumatti nuti kaafamoodhaa?” jedhaa turan
٤٨.
“Abbootiin keenya kan jalqabaas moo?” (jechuu turan)
٤٩.
“(Yaa Muhammad!) dhugumatti, isaan jalqabaas ta’ee isaan boodaas (ni kaafamu)” jedhiin
٥٠.
Beellama guyyaa beekamaa keessatti walitti qabamuuf jiru
٥١.
Ergasii isin yaa jallattoota sobsiiftotaa
٥٢.
Muka Zaqquum irraa nyaatoodha
٥٣.
Ishee irraas garaa keessan guuttatoodha
٥٤.
Isa irrattis bishaan danfaa dhugoodha
٥٥.
Dhugaatii akka gaala dheebottee dhugdu
٥٦.
Kun simannaa isaanii kan guyyaa murtiiti
٥٧.
Nuti isin uumnee; maaliif hin dhugoomsine
٥٨.
Waan (maniyyii) dhangalaaftan san mee naaf himaa
٥٩.
Sila isintu isa uumamoo? Nutu uumoo dha
٦٠.
Nutu du’a gidduu keessanitti murteesseNuti dadhabsiifamoo miti
٦١.
Fakkaataa keessan jijjiiree, waan isin hin beekne keessatti isin uumuu irratti (dadhaboo miti)
٦٢.
Dhugumatti, akkaataa uumama jalqabaa beektanii jirtu; maaliif hin gorfamne
٦٣.
Mee waa’ee waan facaaftanii naaf himaa
٦٤.
Isintu isa biqilcha moo Nutu biqilchoo dha
٦٥.
Odoo feenee caccabaa gooneeti kan dinqisiifattan taatan
٦٦.
“Nuti dhugumatti hoonga’oodha”(jettu)
٦٧.
“Lakkisaa; nuti dhorgamoodha” (waliin jettu)
٦٨.
Mee waa’ee bishaan dhugdanii san Naaf himaa
٦٩.
Sila duumessa irraa isintu isa buusee? Moo Nutu (isa) buusoo dha
٧٠.
Odoo feenee soogiddoo (kuraawaa) isa taasifnaSila maaliif (Rabbiin) hin galatoomfanne
٧١.
Mee waa’ee ibidda qabsiifattanii san naaf himaa
٧٢.
Sila muka ishee isintu biqilchee? Moo Nutu biqilchoo dha
٧٣.
Nuti ibidda kana gorsaafi qananii imaltoonni itti fayyadaman ishee goone
٧٤.
Maqaa Gooftaa kee Isa guddaa faarsi
٧٥.
Seensa urjiiwwaniitiniin kakadha
٧٦.
Inni dhugumatti, odoo kan beektan ta’ee kakuu guddaadha
٧٧.
Dhugumatti, inni Qur’aana kabajamaadha
٧٨.
Kitaaba akkaan eegamaa (Lawhal Mahfuuz) keessa jira
٧٩.
Warra qulqulluu malee (eenyulleen) isa hin tuqu
٨٠.
Gooftaa aalama hundaa irraa buufamaadha
٨١.
Sila haasa’a kanaa kan isin laaffiftan
٨٢.
(Galata) rizqii (rooba) keessanii kijibsiisuu gootanii
٨٣.
Yeroo (lubbuun) kokkee geesse, (maaliif hin deebiftanuu)
٨٤.
Odoo yeroo san isin ilaaltanuu
٨٥.
Isin hin argitan malee Nuti isin caalaa gara isaatti dhihoo jirra
٨٦.
Yoo (kaafamtanii) kan galata hin galfamne taatan (lubbuu san deebisaa)
٨٧.
Yoo kan dhugaa dubbattan taatan maaliif hin deebiftanu
٨٨.
Yoo inni (namni du’e sun) namoota Rabbitti dhiyeeffaman irraa ta’e
٨٩.
(Isaaf) haara galfii, gammachuufi jannata qananiitu jira
٩٠.
Yoo inni warra mirgaa irraa ta’e immoo
٩١.
Warra mirgaa irraa waan taateef nagaan siif haa jiraatu” (isaan jedhama)
٩٢.
Yoo sobsiiftota jallattoota irraa ta’e immoo
٩٣.
Isaaf afeerraa bishaan danfaa irraa ta’etu jira
٩٤.
Jahiim seenuutu isaaf jira
٩٥.
Dhugumatti, inni (wanti suuraan ibsite) kun haqa mirkanaa’aadha
٩٦.
Maqaa Gooftaa kee guddaa ta’ee faarsi (qulqulleessi)