الأعلى
آر. ام. سي. رواندا · Ikinyarwanda
١.
Singiza izina rya Nyagasani wawe, Uwikirenga
٢.
We waremye (buri kintu) akagitunganya
٣.
Akanakigenera (gahunda yacyo yose), hanyuma akayikiyoboramo
٤.
Ni nawe umeza ubwatsi mu nzuri
٥.
Hanyuma akabwumisha bukijima
٦.
Rwose (yewe Muhamadi) tuzakwigisha (gusoma Qur’an), bityo ntuzayibagirwa
٧.
Keretse ibyo Allah azashaka (ko wibagirwa). Mu by’ukuri, azi ibigaragara n’ibitagaragara
٨.
Tuzanakorohereza inzira yo gukora ibyiza
٩.
Bityo, ibutsa (abantu) igihe urwibutso rwabagirira akamaro
١٠.
Mu by’ukuri, hazibuka wa wundi utinya (Allah)
١١.
Kandi inkozi y’ibibi izarugendera kure
١٢.
(Uwo) ni we uzinjira mu muriro uhambaye
١٣.
Aho atazapfa (ngo aruhuke) cyangwa ngo agiriremo ubuzima (bwiza)
١٤.
Mu by’ukuri, wawundi wiyejeje (akirinda ibyaha) yamaze kubona intsinzi
١٥.
Akanasingiza izina rya Nyagasani we ndetse akanakora amasengesho
١٦.
Ariko mwe mukunda ubuzima bwo kuri iyi si
١٧.
Kandi ubwo ku mperuka ari bwo bwiza ndetse buzanahoraho
١٨.
Mu by’ukuri, ibi (mubwirwa) biri mu byanditswe byo hambere
١٩.
Inyandiko (zahishuriwe) Ibrahim na Musa