المطففين
غالي آبابور آباغونا · Afaan Oromoo
١.
Warra (safara) hir’isuuf badiin haa ta’u
٢.
Isaan yeroo namoota irraa safaratan guuchisiifatan
٣.
Yeroo namootaaf safaran yookiin madaalan immoo hir’isan
٤.
Sila isaan sun kaafamuu isaanii hin yaadanii
٥.
Guyyaa guddaadhaaf
٦.
Guyyaa namni Gooftaa aalamaatiif dhaabbatu
٧.
Dhugumatti, galmeen badii hojjattootaa Sijjiin keessa ta'a
٨.
Sijjiin" maal akka ta'e maaltu si beeksise
٩.
Kitaaba barreeffamaadha (dalagaa yakkamtootaatu irratti barreeffama)
١٠.
Kijibsiiftotaaf Guyyaa san badiin mirkanaa’e
١١.
Isaan guyyaa murtii sobsiisaniif
١٢.
Daangaa darbitoota dilaawoo cufa ta’e malee namni isa kijibsiisu hin jiru
١٣.
Yeroo keeyyattoonni Keenya isaan irratti qara'amte"ogbarruu warra duriiti" jedha
١٤.
Haa dhorgamanu! Dhugumatti wanti isaan hojjataa turan onnee isaanii haguuge
١٥.
Dhagayaa! Isaan guyyaa san Gooftaa isaanii irraa haguugamoodha
١٦.
Ergasii isaan ibidda galtoota
١٧.
Ergasii "inni kun isa isin sobsiisaa turtan" jedhama
١٨.
Dhugumatti, galmeen toltuu hojjattootaa Illiyyiin keessa ta'a
١٩.
Illiyyiin" maal akka ta'e maaltu si beeksise
٢٠.
Kitaaba barreeffamaadha (hojii warra Rabbitti amaneetu irratti barreeffame)
٢١.
Warra Rabbitti dhiheeffamantu itti hirmaata
٢٢.
Dhugumatti, toltuu hojjattoonni qananii keessa jiraatu
٢٣.
Sireewwan irra (taa'anii) ilaalu
٢٤.
Fuula isaanii keessatti ifina qananii ni beekta
٢٥.
Farsoo qadaadamaa irraa obaafamu
٢٦.
Dhumti isaa miskiidha; sana keessatti warri wal dorgoman wal haa dorgoman
٢٧.
Makaan isaas ‘Tasniim’ irraayi
٢٨.
(Tasniim) laga warri Rabbitti dhiheeffaman dhuganiidha
٢٩.
Dhugumatti, isaan dilaawan isaan amananitti kolfaa turan
٣٠.
Yeroo isaan bira dabran wal akeeku
٣١.
Yeroo gara maatii isaanii deebi'anis gammadaa deebi’u
٣٢.
Yeroo isaan arganis "dhugumatti, isaan kun jallattoota" jedhu
٣٣.
Haala to'attoota ta'anii isaan irratti hin ergaminiin
٣٤.
Har’a (guyyaa kaafamiinsaa) isaan amanantu kaafirootatti kolfa
٣٥.
Sireewwan irra (ta'anii) ilaalu
٣٦.
Sila kaafiroonni waan dalagaa turan mindeffamaniiruu?” [jedhu]
السورة السابقة
السورة التالية