الواقعة
مركز ترجمه رواد و اسلامهاوس · Fulfulde, Pulaar, Pular
١.
Si darotoongal ngal darike
٢.
alanaa daragol maggal ngol fennoowo
٣.
Hoyfinɗinayngal (yedduɓe), ɓamtayngal (gomɗimɓe)
٤.
Si leydi ndin dilliniraama dillannde
٥.
pelle ɗen munciroyee muncannde
٦.
ɗe wonta collaari ruuynayndi
٧.
wattinon nooneeji tati
٨.
Ko wontirooɓe ñaamo ɓen - iskin ɓen yimɓe ñaamo
٩.
e wontirooɓe nano ɓen, bis e ɓen yimɓe nano
١٠.
Ko adondiraynooɓe ɓen (e moƴƴere ka aduna), adoytee (naadeede Aljanna)
١١.
Ko ɓen woni badnitaaɓe ɓen
١٢.
ka Aljannaaji neeminiiɗi
١٣.
dental jeyaangal e [mofte] adinooɓe ɓen
١٤.
e seeɗaaɓe jeyaaɓe e [mofte] sakkitiiɓe ɓen
١٥.
hiɓe e hoore danɗe yuɓɓiraaɗe [kaŋŋe]
١٦.
hara hiɓe soɓɓindii e majje, fewtondirɓe
١٧.
Sukaaɓe duuminaaɓe hino wanngoo hakkunde maɓɓe
١٨.
wonndude e ñedduɗe, e cataloy, e koroy e [hebbiniraakoy] beere ilaynde
١٩.
ɓe muusetaake ko*e nder ton, ɓe siwritaa
٢٠.
e muuyanteeɗi ɗi ɓe suɓotoo
٢١.
e teewu colli ngu ɓe tuuyatee
٢٢.
e huurul'ayniiɓe -yaaja gite en
٢٣.
nannduɓe e kaŋŋe lu'lu'u maraaɗe
٢٤.
njoɓdi ko ɓe gollaynoo kon
٢٥.
Ɓe nanataa nder ton haala meere, wanaa ko bakkondiŋta
٢٦.
si wanaa wi'aneede : "Salaaman! Salaaman!" [Saɗi mon! saɗi mon]
٢٧.
E wontirooɓe ñaamo ɓen, ko woni ɓen yimɓe ñaamo
٢٨.
[Ɓe wonay] e leɗɗe jaaɓe newɗuɗe
٢٩.
e banaanaje fawandirɗe
٣٠.
e ɗowdi duumiindi
٣١.
e ndiyam juurayɗam
٣٢.
e ɓiɗɓe leɗɗe ɗuuɗuɗe
٣٣.
ɗe taƴondirtaa ɗe haɗetaake
٣٤.
e danɗe ɓamtaaɗe
٣٥.
Ko Menen tagi fuɗɗi ɓe
٣٦.
Men waɗi ɓe curbaaɓe-boomi
٣٧.
yiɗuɓe worɓe mun, goreeɓe
٣٨.
[Men marani ɓe] yimɓe ñaamo ɓen
٣٩.
Dental jeyaaɓe e [mofte] adinooɓe ɓen
٤٠.
e seeɗaaɓe jeyaaɓe e [mofte] sakkitiiɓe ɓen
٤١.
E wontirooɓe nano ɓen. Ko homɓe woni ɓen yimɓe nano
٤٢.
[Ɓen] no e nguleendi e fatayɗam
٤٣.
e ɗowdi curki ɓawluki
٤٤.
wonaa ɓuuɓundi, wanaa teddundi
٤٥.
Ado ɗum, hari ko ɓe neeminaaɓe
٤٦.
ɓe laatino hiɓe deppitoo e bakkaat mawɗi ɗin
٤٧.
hiɓe wi'aynoo: "Enee, si men maayii, men wontii mbullaari e ƴi'e, hara ko men immintinoyteeɓe
٤٨.
hay baabiraaɓe amen adinooɓe ɓen
٤٩.
Maaku : "Pellet, aramɓe e sakkitiiɓe
٥٠.
ko mooɓoyteeɓe e ñalaande anndaande waqutu mun
٥١.
refti pellet, onon ɓee majjuɓe fennuɓe [ummital]
٥٢.
ko on nyaamoyayɓe e leggal "Zaqquumi" ngal
٥٣.
ngal hebbiniroyton deedi
٥٤.
yariron ngal kadi fatayɗam
٥٥.
yariron wa yarugol ngelooba ɗomɗaamba
٥٦.
Ko ɗum woni ko ɓe kottiigu !u! en ñalnde njoɓdi diina
٥٧.
Ko Menen woni ko tagi on. Haɗi goonginon [Men immintinay on]
٥٨.
On yi'ii on maniiyu mo rufoton
٥٩.
Ko onon tagata mo? Kaa ko Menen woni tagooɓe [ɗum]
٦٠.
Ko Menen hoddiri maayde nden hakkunde mon. Men wonaali adateeɓe
٦١.
e wattitugol yeruuɓe mon, Men fuɗɗira on e ko on anndah
٦٢.
Gomɗii hiɗon anndi tageede aranun ɗum. Ko haɗi waajitoɗon
٦٣.
On yi'ii kon ko remoton
٦٤.
Ko onon fuɗinta ɗum? Kaa ko Menen woni fuɗinooɓe ɓen
٦٥.
Si Men haajuno, pellet, Men waɗayno ndu foron. Wattinon hiɗon haawoo [wi'a]
٦٦.
Menen ko men lepteteeɓe perte ko min nafqi ko
٦٧.
wurin ko men haɗaaɓe
٦٨.
On yi'ii ndiyam ɗam yaroton ɗam
٦٩.
E ko onon jippiniri ɗam ka duule? Kaa ko Menen jippini [ɗam]
٧٠.
Si Men haajuno, Men waɗayno ɗam kaaɗɗam. Ko haɗi yetton [Allah]
٧١.
On yi'ii yiite nge huɓɓoton ngen
٧٢.
E ko onon woodini waɗi leɗɗe mum? Kaa ko Menen woodini [ɗe]
٧٣.
Men waɗir ngen [yiite] waaju, e nafitor nge setotooɓe
٧٤.
Subbunhinor innde Joomi maa, Mawɗo On
٧٥.
Mi woondirii mutirɗe koode ɗen
٧٦.
Pellet, ɗum ko woondoore mawnde, si hiɗon anndunoo
٧٧.
Pellet ndee ko Alqur'aanaare konde teddunde
٧٨.
wonnde e deftere reenaande
٧٩.
meemataa nden si wanaa laɓɓinaaɓe ɓen
٨٠.
ko jippiniraande ka Jeyɗo Winndere nden
٨١.
E ko ndee yewtere wonki ko pennoton onon
٨٢.
Hiɗon waɗa arsike mon (toɓo ngon) ko on fennooɓe [arsikuɗo On]
٨٣.
Ko haɗata nde wonkii yottii ka lookoƴere
٨٤.
hara onon hiɗon ndaara ontuma
٨٥.
hara non ko Menen ɓuri on ɓadaade mo, kono on yi'ataa
٨٦.
Ko haɗata on, si tawiino hara on warjetaake
٨٧.
rutton kin [wonkii], si tawii ko on goonguɓe
٨٨.
Si tawii on ko jeyaaɗo e ɓattinaaɓe ɓen
٨٩.
haray ko fowtere, e moƴƴere, e Aljannaaji neema (woodani mo)
٩٠.
Si tawii kadi ko jeyaaɗo e yimɓe ñaamo ɓen
٩١.
haray [o jaɓɓoroyte] : "Kisal maa" e ɓaŋge yimɓe ñaamo ɓen
٩٢.
Si tawii non ko jeyanooɗo e fennuɓe majjuɓe ɓen
٩٣.
haray hoɗtorde makko on ko fatayɗam
٩٤.
e sumeede Jahiimi
٩٥.
Pellet, ko ɗum woni goonga yananaaɗo on
٩٦.
Subbunhinor innde Joomi maa, Mawɗo On
السورة السابقة
السورة التالية